Nayib Bukele
| Nayib Armando Bukele Ortez | ||
.jpg)
| ||
Prezidanto di  Salvador
| ||
| Guvernisteso: | de la 1ma di junio 2019 til 1ma di decembro 2023 | |
| Precedanto: | Salvador Sánchez Cerén | |
| Sucedanto: | Claudia Rodríguez de Guevara | |
| Personal informi | ||
| Naskodato: | 24 di julio 1981 | |
| Naskoloko: | San-Salvador, Salvador | |
| Spozo: | Gabriela Roberta Rodríguez de Bukele | |
| Profesiono: | entraprezisto e politikisto | |
| Politikala partiso: | Gran Alianza por la Unidad Nacional - GANA (en 2019) Nuevas Ideas | |
Nayib Armando Bukele Ortez, entraprezisto e politikisto n. ye la 24ma di julio 1981, esas la nuna prezidanto di Salvador (2019-) por la Grand Alianco por l'Uneso Nacionala (GANA). Antee il esis urbestro di Nuevo Cuscatlán (2012-2015) e San Salvador (2015-2019), por la Fronto Farabundo Marti por Liberigo Nacionala (FMLN).
En 2022 Salvador kom unika lando, sub Bukele introduktis bic-moneto kom nacionala valuto apud l'US-dolaro.
Bukele esas aktiva ye la sociala komunikilaro e prizentas sua sucesi (nuligo di bandala violento; konstruktigo di CECOT-karcerego) e projeti (Surf City; hospitalo por animali Chivo-Pets - nur pagebla per bico-moneti) per bone produktita video-filmeti.
Lua guvernerio judikesas kom autoritatala, nam ilu probas koncentrar povo en lua manui, exemple aprobar la posibleso pri rielekto prezidantala, e la revoko di judiciisti di la Supera Korto.
Bukele sucesis, per fort e drasta moyeni, nuligar la teroro da kriminala bandi qui depos la yari nonadek di la 20ma yarcento tormentis la Salvadorana socio. Il deklamis la ditreso-stando depos ke ye la 26ma di marto 2022 mortis 62 homi pro violento da kriminala bandi. Kom reakto Bukele enkarcerigis 70.000 personi sen proceso, multi sur bazo di nekonvinkanta suspekti. Segun organizuri pri yuri homala, dekamili de inocenta homi enkarcerigesis[1]. Por la skopo di karcerego CECOT (centro di koncentro di teroristi) konstruktesis, ube enkarcerigesas 40.000 personi[2].