Neegaleso

De Wikipedio

Neegaleso (matematiko) esas enunco pri relativa dimensiono od ordeno di du objekti. La not-sistemo a < b signifikas ke a esas min granda kam b, dum ke a > b indikas ke a esas plu granda kam b. Ta relati konocesas kom strikta neegaleso. Kontraste a ≤ b signifikas ke a esas min granda kam o egala a b, dum ke a ≥ b indikas ke a esas plu granda kam od egala a b.

Se la senco di neegaleso esas la sama per tota valui di varii per qua sua membri esas definita, do la neegaleso nominesas absoluta o nekondicionala. La senco di neegaleso ne chanjesas se amba lateri esas augmentita o diminutita per la sama nombro, o se amba lateri multiplikesas o dividesas per pozitiva nombro; ma inverse eventas se multiplikata per negativa nombro.

Yuna lernanti kelkafoye konfundas la signi pri "min granda kam" e "plu granda kam", qua esas spegula imajo l'unu di l'altru. Kostume instruktesis mnemonikale ke la du signi reprezentas hungra aligatoro, qua probas manjar la plu granda nombro.

La not-sistemo a >> b signifikas ke a esas plu granda kam b kande l'equaciono-rezulto konvergas ad certa valuo.