Percival Lowell

De Wikipedio
Salti al navigilo Salti al serĉilo
Percival Lowell

Percival Lowell (n. 13 di marto 1855, m. 12 di novembro 1916) esis Usan astronomo.

Il venis de richa familio en Boston, Massachusetts, e studiis matematiko ye la universitato di Havard. Dum la 1880-yardeko il rezidis en est-Azia, e produktis libri pri la regiono.

De 1893 il havis granda intereso pri astronomio, ed il fondis observatorio ye Flagstaff, Arizona. Il studiis la planeto Marso e facis skisuri di la surfaco; il supozis ke la linei quin il vidis sur la planeto esas kanali. Il skribis pri Marso, konjektante ke Marsani, habitante la sika planeto, konstruktis la kanali por adportar aquo de la glaciigita poli. Multa astronomi esis skeptikema pri ca teorio, supozante ke la supozita linei esis naturala saliaji. La teorio esis klare refutata multa yari pose, kande kosmoprobili fotografis la surfaco.

Il mortis en Flagstaff en 1916, evante 61 yari.