Pluvo-quanto
.jpg)
En meteorologio, pluvo-quanto esas la quanto de pluvo, pluveto, nivo o grelo - to esas, aquo en formo liquida o solida - qua, pos kondenso, falas de la nubi sur ula punto de la surfaco di la Tero dum ula periodo. To esas parto di la ciklo dil aquo, e posibligas l'existo di vivo sur la Tero.
L'aquo di la surfaco, pos vaporeskar, acensas en l'atmosfero e, pos atingar la saturopunto, formacas mikra guti en la nubi. La guti di aquo gradope interadheras e, pos atingar ula maso, li precipitas su pro la forco di gravito. Omnayare, la pluvo-quanto mezavalora en la tota planeto esas 505 mil km³, de qui 398 mil km³ falas sur l'oceani. To signifikas ke la mezavalora pluvo-quanto sur la planeto esas 990 mm, ma se on kalkulas nur la mezvalora pluvo-quanto sur la tereni, ol esas 715 mm omnayare.