Ponto de Vitro di Chenchacha
La Ponto de Vitro di Chenchacha esas en la provinco Chenchacha (simpligita Chiniane: 张家界; tradicionala Chiniane: 張家界; pinyin: Zhāngjiājiè), anke konocat en Tujia-linguo kom Chan jif avlar, en la nord-esto di la sudala provinco Hunan. La ponto esas la maxim importanta turistal atraktajo pro olua situo e parte pro olua vitra fundo. La ponto esis apertita por publiko en 2016.
La suspendata ponto esas 385 metri long ed adminime sis metri larja. La ponto trovesas 300 metri super la sulo. Ol esas ponto trans ravino inter du monti en la Nacionala Foresto-parko di Chenchacha (pronunco). Singl-instante admaxime 800 vizitanti darfas esar sur la ponto e diale 8000 vizitanti venas. La ponto esas desegnita dal arkitekto Haim Dotan.
La suspendo-ponto havas metala framo en qua 120 vitra paneli procedesas en la fundo. La vitro esas 2 "inchi" dika (cirkume 5 cm) ed esis probita per pezajo de 40 tuni. Ye la extremaji di la ponto esas quar pilastri, sinistre e dextre, a qui kabli fixigesis. La pilastri esas kovrita per arbori e planti por celar oli en la naturala cirkumajo. Ye la komenco e fino la ponto esas plu larja, cirkume 14 metri, ed en la mezo streteskas ed ibe esas cirkume 6 metri.