Povreso-lineo
Povreso-lineo o povreso-limito esas la minima revenuo judikata kom suficanta por vivar en ula partikulara lando.[1] Kustume, la defino di povreso e la komuna od oficala koncepto di povreso esas signifikante plu alta en richa landi kam en subdevelopita landi.[2][3] En 2008, Mondala Banko definis povreso-lineo kom equivalanata a US$ $1.25 omnadie, en kompro-valori de la yaro 2005.[4]
Por kalkular la povreso-lineo ordinare kalkulesas la kusto totala di esencala vari qui ordinara adulto konsumas dum 1 yaro.[5] La maxim granda di ta kusti esas kusto por lokaco di apartamento, do historiale ekonomikisti studias la vario di preci dil imobli e konsideras ke ol afektas profunde la povreso. Povreso-lineo povas variar omnayare.
Referi
[redaktar | redaktar fonto]- ↑ Ravallion, Martin Poverty freak: A Guide to Concepts and Methods. Living Standards Measurement Papers, The World Bank, 1992, p. 25
- ↑ Hagenaars, Aldi & de Vos, Klaas The Definition and Measurement of Poverty. Journal of Human Resources, 1988
- ↑ Hagenaars, Aldi & van Praag, Bernard A Synthesis of Poverty Line Definitions. Review of Income and Wealth, 1985
- ↑ Ravallion, Martin; Chen Shaohua & Sangraula, Prem Dollar a day The World Bank Economic Review, 23, 2, 2009, pp. 163-184
- ↑ Poverty Lines - Martin Ravallion, in The New Palgrave Dictionary of Economics, 2nd Edition, London: Palgrave Macmillan