Romantika komedio

De Wikipedio
Irez a navigado Irez a serchilo

Romantika komedio (kelkafoye abreviat a romkom o, rare, romedio) esas subjenro di tam film-komedii kam romantika filmi, ma anke havas propra specifik ingredienti qui igas ol propra film-jenro.

La principo di romantika komedio esas ke preske sempre du homi interrenkontras, ma malgre (por la publiko) klar atrakteso, ne direte experiencas romantika relato. Ofte duras kelka ceni ante ke (un de) li koncieskas ke, l'un por l'altra, li esas perfekt e komencas - fino bona, omno bona, relato, li feliceskas ensemble o mem mariajesas quik.

Variajo esas ke la du chefa roli komence di la filmo havas relato, ma di qui la relato sub (extera) preso ruptesas. Pos kelka ceni cirkum-vaganta, ye fino li rivenas l'un al altra.

La jenro di romantika komedio ne jus deskovresis da la film-industrio. Multa teatraji da William Shakespeare, quale Much Ado About Nothing (Multa konsterneso pro Nulo) e Midsummer Nights Dream (Mez-somerala Noktala Sonjo), esas tipal exempli di romantika komedio.