Serapis

Serapis (de Koyne-Greka Σέραπις) o Sarapis (de plu antiqua Greka Σάραπις) esis antiqua Greka-Egiptiana deo. La unesma Greka rejo e faraono Ptolemeo la 1ma Soter ("salvanto") institutis il kom deo por la nova dinastio. Il esis aspektala kombinuro dil Egiptiana dei Osiris ed Apis ((O)sir(is)-Apis, Demotika wsjr-ḥp), ma havis figuro di Greka deulo kun plena barbo e multa hari pro ke la Greki desestimis la Egiptiana animalkapa dei. La tauro (Apis) di Serapis esis Serapis por la Egiptiano, ma esis nur atributo e kultanimalo por la Greki. La Greki interpretis il chanjante e diverse kom Dioniso, Zeus, Hades, Asklepio ed Apollo. Ol semblas il uzis la mito di Osiris. Greka ed Egiptiana sacerdoti aprobis la deo. La deo esis tre populara inter la Greki ed Egiptiani. Lua templi havis la nomo serapeo o sarapeo.

Plutarko dicas ke Ptolemeo la 1ma Soter vidis la deo en sonjo; to esas sendubite rejala o sacerdotala propagando. Ptolemeo probable celas krear amalgama deo.