Sigareto

De Wikipedio
Irez a navigado Irez a serchilo
Sigareto partale konsumita.
Viro uzas elektronikala sigareto.

Sigareto esas un ek la maxim populara formi por konsumar tabako. Ol konsistas ek pikita folii di tabako envolvita per papero en formo di cilindro. Ordinare ol anke havas filtrilo por diminutar domaji a la saneso dil fumanto.

Hispana monako Bartolomé de las Casas, en ilua libro "Historio di Indii" (Hispane: Historia de las Indias) definis sigareti kom o «kelka sika folii, envolvita per altra folii, semblanta petardi... Li inflamesas per un latero, e sugesas per l'altru... por introduktar ca fumo en la pulmoni por narkotigar lia korpi, e do li ebriigas su». James la 1ma di Anglia proskriptis lua konsumo, pro esar «repugniva a flarado, desagreabla a vidado, danjeroza por cerebro e nociva a pulmoni».[1]

Nun, ultre ordinara sigareti facita de papero, ank existas tale nomizita "elektronikala sigareto", qua emisas vaporo vice fumo. La vaporo ordinare kontenas propilenoglikolo, glicerino, nikotino, inter altra substanci. Kelk ek ca substanci anke povas stimular l'aparo di kancero.

Referi[redaktar | redaktar fonto]