Smartfon-aplikajo

De Wikipedio
Irez a navigado Irez a serchilo

Smartfon-aplikajo o kurte aplikajo o neformale apo esas komputor-programo konceptita por funcionar sur smartfono, tabuleto od altra portebla aparato. Per helpo di aplikajo simple esas posibla adjuntar plusa funcioni a portebla aparato, tale ke olta povas esar ampligat a mult-funcionala komunikilo.

Maxim ofte kelk aplikaji esas instalita sur l'aparato. Altra aplikaji esas obtenebla che l'aplikajo-butiko, virtuala butiko ube molvaro povas esar deskargata, foye kontre pago. Ca aplikajo-butiki aparis depos 2008 e kustumale esas jerata da la developinto di la portebla funcionanta sistemo. Existas gratuit e pagend aplikaji, e kelkafoye la sam aplikajo esas obtenebla tam gratuite kam pagende. La gratuita versiono ofte esas kun reklamo o la pagenda versiono ofras plusa posiblaji. Kelkafoye l'aplikajo esas gratuita ma devas esar pagata por ampligi (talanomizita kompro en aplikajo).