Spirit

De Wikipedio
Salti al navigilo Irez a serchilo
Volkanala petri sur Marso, fotografita da Spirit dum olua 810ma marsala dio sur la planeto

Spirit esis vehilo, parto di projeto di NASA por explorar la geologio di la planeto Marso. Ol lansesis ye 10 di junio 2003; ye 4 di januaro 2004 ol atingis la surfaco di Marso, ye la kratero Gusev, tri semani ante l'arivo di olua jemela kosmosondilo Opportunity ye altra loko sur la planeto.

La vehilo portis quar kameri, e diversa instrumenti por analizar petri.

NASA expektis ke la misiono durus dum 90 marsala dii (un marsala dio esante kelke plu kam un terala dio); tamen la vehilo funcionis til 2010, pos 2208 marsala dii. Ye 1 di mayo 2009, kovrinte disto 7,73 km depos arivo sur la planeto, ed explorinte diversa saliaji, la vehilo divenis intrikata en sablo. Pos plura esforci desintrikar la vehilo, NASA anuncis ye 26 di januaro 2010 ke ol esas ne rekuperebla. Ye 22 di marto 2010 komunikado kun la vehilo cesis.