Torto flamagita

Flamagita torto

Torto flamagita (anke: flamagita torto o flam-kuko) esas disho de Alzacia, Palatenio e Badenia. La torto flamagita havas fundo de dina pan-pasto qua esas kovrita per kremfresho, onyoni e trancheti de lardo.

Dependanta de la regiono la nomo di ca disho esas flammekueche (l'Alzaciana), Flammkuchen (la Germana) o tarte flambée (la Franca). Esas multa variaji dil originala recepto, tam por la pasto kam por la kovrajo. En kelka parti d Alzacia la kremfresho esas remplasita da Bibbeliskäs (kazeo) o da mixuro de Bibbeliskäs e kremfresho.

Til la popularesko di ‘pizza’ en la yari sisadek, la torto flamagita esis disho precipue manjita en la ruro. Ibe la torto flamagita ofte esis uzita por probar la varmegeso di la ligno-forno. La disho prenis olua nomo de la metodo di bako.