Trezoro
Trezoro esas ensemblo di richesi - ofte antiqua - qua judikesis kom desaparinta til ke ol itere deskovresis. Kelka jurisdicioni establisas en lego quo judikesas kom trezoro, exemple Britaniana Treasure Act de 1996. Existas individui surnomizita "trezoro-chaseri", qui vivas serchanta trezori.
L'ideo pri enterigita trezori ofte asociesas populare a pirati qui, pos spoliar richesi, enterigis kofri kun objekti ek oro od arjento, o precoza stoni en remota loki, por pose retroirar e rekuperar li. E por retroirar a la loko exakta, li facis mapi. Tri noveli kontributis por popularigar mito pri enterigita trezori: Wolfert Webber (1824) da Usana skriptisto Washington Irving, The Gold-Bug (1843) da Edgar Allan Poe, e Treasure Island (1883) da Robert Louis Stevenson.
