Ulaanbaatar
| Ulaanbaatar | ||
| ||
| Panoramo di Ulan Bator. | ||
| Lando: |  Mongolia
| |
| Latitudo: | 47°55' N | |
| Longitudo: | 106°55' E | |
| Altitudo: | 1350 m | |
| Surfaco: | 4.704,4 km² | |
| Habitanti: | 1 372 000 (2013) | |
| Denseso di habitantaro: | 272 hab./km² | |
| Horala zono: | UTC+8 | |
| ||
| www.ulaanbaatar.mn | ||
Ulaanbaatar, antee Ulan Bator, esas chef-urbo e maxim populoza urbo di Mongolia. Lua nomo signifikas 'reda militero'. Segun statistiki de 2013, ol havis 1 372 000 habitanti, to esas la duimo del habitantaro di la lando. L'urbo okupas entote 4.704,4 km².
Ol esas la kulturala, financala ed industriala centro di Mongolia. Ferovoyi ligas ol a Transsiberia fervoyo ed a Chiniala ferovoyala neto.
Historio[redaktar | redaktar fonto]
L'urbo fondesis en 1639 kom centro por monakeyo Budista. Originale ol nomesis Urga, ma rinomesis en 1924 honore Sukhe Baator (1893-1923) qua fondis la moderna republiko di Mongolia. Dum la 20ma yarcento ol divenis importanta industriala urbo.
Geografio[redaktar | redaktar fonto]
Jacanta en valo an la bazo dil monto Bogd Khan Uul, en altitudo di 1.350 metri super la marala nivelo ed a poka disto adeste del centro geografiala di Mongolia, la reliefo di Ulaanbaatar esas parte plana e parte kolinoza. Ol jacas an la frontiero inter zono di stepo adsude e mixo di stepo e foresto adnorde. La foresti norde de Ulaanbaatar protektesas per lego de la 18ma yarcento, e kontenas pini, larici e birki e speci di uceli e mamiferi.
La klimato dil urbo esas havas influi del altitudo, de la granda disto del oceano e de miarida regioni en lua vicineso, jacanta an la limito dil klimati Bsk, Dwc e Dwb segun la klimatala klasifikuro da Köppen. La mezavalora temperaturo en januaro (vintro) esas -21,6°C, ma dum l'unesma hori del dii vintrala la temperaturi povas esar -40°C. Pro to, Ulaanbaatar konsideresas la maxim kolda chef-urbo del mondo. En julio, la maxim varma monato del somero, la mezavalora temperaturo esas 18,2°C.
La mezavalora yarala pluvo-quanto esas 267 mm, e la maxim pluvoza monato esas agosto, kun mezavalore 70 mm.
