Ulaanbaatar

De Wikipedio
(Ridirektita de Ulan Bator)
Jump to navigation Jump to search
Ulaanbaatar
Ulanbator-Panorama.jpg
Panoramo di Ulan Bator.
Lando: Flag of Mongolia.svg Mongolia
Informo:
Latitudo: 47°55' N
Longitudo: 106°55' E
Altitudo: 1350 m
Surfaco: 4.704,4 km²
Habitanti: 1 372 000 (2013)
Denseso di habitantaro: 272 hab./km²
Horala zono: UTC+8
Mapo:
Mapo di Ulaanbaatar
Oficala retosituo:
www.ulaanbaatar.mn
La placo Chingiz-kano e la Parlamento di Mongolia.

Ulaanbaatar, antee Ulan Bator, esas chef-urbo e maxim populizita urbo di Mongolia. Lua nomo signifikas 'reda militero'. Segun statistiki de 2013, ol havis 1 372 000 habitanti, to esas la duimo del habitantaro di la lando. L'urbo okupas entote 4.704,4 km².

Ol esas la kulturala, financala ed industriala centro di Mongolia. Ferovoyi ligas ol a Transsiberia fervoyo ed a Chiniala ferovoyala neto.

L'urbo fondesis en 1639 kom centro por monakeyo Budista. Originale ol nomesis Urga, ma rinomesis en 1924 honore Sukhe Baator (1893-1923) qua fondis la moderna republiko di Mongolia. Dum la 20ma yarcento ol divenis importanta industriala urbo.

Geografio[redaktar | redaktar fonto]

Ulaanbaatar vidita de la kolino Zaisan.

Jacante en valo an la bazo dil monto Bogd Khan Uul, en altitudo di 1.350 metri super la marala nivelo ed a poka disto adeste del centro geografiala di Mongolia, la reliefo di Ulaanbaatar esas parte plana e parte kolinoza. Ol jacas an la frontiero inter zono di stepo adsude e mixo di stepo e foresto adnorde. La foresti norde de Ulaanbaatar protektesas per lego de la 18ma yarcento, e kontenas pini, larici e birki e speci di uceli e mamiferi.

La klimato dil urbo esas havas influi del altitudo, de la granda disto del oceano e de miarida regioni en lua vicineso, jacante an la limito dil klimati Bsk, Dwc e Dwb segun la klimatala klasifikuro di Köppen. La mezavalora temperaturo en januaro (vintro) esas -21,6°C, ma dum l'unesma hori del dii vintrala la temperaturi povas esar -40°C. Pro to, Ulaanbaatar konsideresas la maxim kolda chef-urbo del mondo. En julio, la maxim varma monato del somero, la mezavalora temperaturo esas 18,2°C.

La mezavalora yarala pluvozeso esas 267 mm, e la maxim pluvoza monato esas agosto, kun mezavalore 70 mm.