Vacinizo
Vacinizo esas l'uzo di vacino por stimular imunala sistemo produktar imuneso kontre kelka morbi. Vacini kontenas mikro-organismo o viruso febligita, mortinta od aktiva, o mem proteini o toxini del mikro-organismo. Kande suficanta quanto di individui en ula habitantaro esas vacinizata, to rezultas imuneso por la tota habitantaro, nam divenas desfacila la transmiso di infektiva morbo de ul individuo ad altru.
L'unesma vacinizo-procedo developita en la historio esis l'inokulo di variolo, developita da Chiniani dum la 16ma yarcento. Malgre ke ol duris uzesar pose, erste en 1796 Angla mediko Edward Jenner developis formo por produktar vacini, e publikigis atesto pri lua efikeso.