Vesta

De Wikipedio
Asteroido Vesta, fotografita da Dawn de disto 5200 km, ye 24 julio 2011

Vesta (simbolo: ⚶) esas granda asteroido; olua meza diametro esas 525 km.

Ol esis deskovrata ye 29 di marto 1807 da Heinrich Wilhelm Olbers, qua esis mediko ed amatora astronomo en Göttingen; ol esis la quaresma deskovrita da irgu, pos Ceres, Pallas e Juno. En 1802 Olbers deskovrabis asteroido Pallas, quo iniciabis serchado por plusa tala objekti. Astronomi tatempe diskutis la origino di asteroidi; Olbers konjektis ke li esas restaji de destruktata planeto. Nuntempe, astronomi supozas ke la gravitala influo di Jupitero impedis la kreo di planeti en la asteroido-zono.

En julio 2011 la kosmonavo Dawn eniris orbito cirkum Vesta, e kolektis informeso til departo por Ceres en septembro 2012.