Juche-ideo

Juche-ideo (Koreane: 주체) esas ideologio di Nord-Korea. Frazo atribuita a Kim Il-sung definas Juche-ido talemaniere:

En poka paroli, Juche-ideo signifikas ke l'unika proprieteri dil revoluciono e la posa konstrukto esas l'amasi

Fundamenti

Juche-ideo esas filozofiala ed ideologiala sistemo di qua formulizado atribuesas a l'eternala prezidanto Kim Il-sung e di qua developado atruesas ad ilua filiulo Kim Jong-il. Segun ula komunista sektori Juche-ideo esas deviaco di Leninismo, di qual ekiras kun la skopo di adaptar su al Koreana kulturo e al necesi di propra guvernerio.

La precipua ideo esas ke homo e muliero esas la responsanta di lua destini. Ica ideo en revolucionala sistemo donacas al grupo di personi ke formacas l'amaso l'autoreso dil revoluciono e lua developo. Icamaniere, singla Koreano havas lua parto di responsabileso en la destino dil kolektivuro.

Koreana magazino Korean Review indikas ke Juche-ideo signifikas adoptar la rolo di maestro dil revoluciono e ri-konstruktado di propra lando. Ico signifikas procedo nedependanta e kreativa di ula kun la skopo di adaptar la solvi al problemi ke povas aparar en la procedo di revoluciono e konstruktado. Tale explikesas la precipua praktik aplikado di ta teorio.

La karakterizivi di Juche-ideo esas:

Defenso di ekonomiala e politikala nedependo de exterlanda landi.
Songun: Milital aspekto esas la maxim importanta de la politiko.
Voluntarismo.
Populala nacionalismo: Exalteso di nacionala simboli e defenso di Nord-Koreana patrio kontre imperialista minaco.
Respekto e defenso di tradicionala Koreana kulturo.

Teoriisti

Juche-ideo prenas las nomo di tradicionala filozofala teorio. Dicesas ke Juche-ideo inspiresis a Kim Il Sung dal Paektu-monto, monto mistika por Koreani e simbolo di la naciono.

Kim Il Sung esis l'ideologo e promocanto, kun multa verki publikigita. Altri, exemple Wang Yan Yop, donacis praktikala sinso a lua verki. Kim Il Sung e Kim Jong-il judikesas kom kom autentika responsanti por developado di Juche-ideo, l'unesma kreinte ol e la duesma aktualigante ol segun la nova defii di la revoluciono.

Kim Il Sung expozis auto-defensiva doktrino, kontrapozita a la dependo qua Sud-Korea adoptis relate Usa. Juche-ideo gloriizis l'ideo di populala nacionala suvereneso, pozante politika sistemo aparte de exterlanda influi, qui povus interuptar la bona developado di transito a komunismo. Talemaniere, Kim Jong-il duras konfigurante doktrino qua donacas ideologiala sinso al politikala praktiko di Nord-Korea.

Extera ligili