Brett Kavanaugh

De Wikipedio

Brett Michael Kavanaugh (naskinta ye la 12ma di februaro 1965) esas Usana judiciisto e yuristo, qua nun esas distrikto-judiciisto por la Apelkorto di Usa por la Cirkuito dil District of Columbia. Ilu apartenas al Republikana Partiso.

Remarkinde il divenis la kandidato di Trump por la Supra Korto di Usa en 2018 ed es la subjekto di alegaji pri sexuala violento da tri mulieri, esanta Christine Blasey Ford, Deborah Ramirez e Julie Swetnick. Kavanaugh esis inter la minim populara kandidati por la Supra Korto delor ke opinio-inquestio komencabis en 1987.

Frua vivo[redaktar | redaktar fonto]

Lua genitori esas Everett Edward Kavanaugh Jr. e Martha Gamble (naskinta kom Murphy), ambe yuristi. Murphy esis historio-instruktisto dum la 1970ma yari e judiciisto en Maryland inter 1995 e 2001. Everett Kavanaugh esis advokato.

Brett Kavanaugh habitis en Bethesda, Maryland dum sua yuneso. Il instruktesis che la katolika Georgetown Preparatory School, skolo por nur yunuli. Lu esis amikulo di Mark Judge. Kavanaugh esis aktiva ibe per Usana futbalo e baseball. Il anke ja havis reputo esar severa drinkero di biro. La du maxim frua alegaji pri mala sexuala traktado anke referas ad ica periodo.

Il pose studiis che Yale University historio. Lua avulo anke studiabis ibe. Lu pose studiis che Yale Law School. Un alegajo pri sexual atento esas pri ica periodo.

Dum la Republikana tribunalo kontre Bill Clinton, Kavanaugh esis la precipua autoro dil Starr Report.

En 2000 ilu esis membro dil yuristaro di George W. Bush, qua esforcis haltigar la Floridana rikontado di voti. Il pose laboris por la guvernerio di Bush.

Kavanaugh divenis cirkuito-judiciisto en Washington D.C. en 2006.

Kandidateso por Supra Korto[redaktar | redaktar fonto]

Kande Anthony Kennedy anuncis sua retreto en 2018, Kavanaugh esis un del posibla kanditi mencionata en la jurnalistaro.

George W. Bush petis Republikana senatani konfirmor Kavanaugh kom supra judiciisto.

Alegaji pri sexuala violento[redaktar | redaktar fonto]

Adminime tri mulieri alegis ke Kavanaugh uzis sexuala violento kontre li dum la 1980ma yari ye diferanta tempi. Omna alegaji deskriptas situi, an qui esis uzo di alkoholo. L'unesma publika raporto esis del 12ma di septembro 2018, kande Ryan Grim publikigis che The Intercept ke Dianne Feinstein, Demokrata senatano, recevabis letro pri incidento inter Kavanaugh e muliero dum ilua liceo-periodo, ma tenis ol sekrete del altra Demokrata sur la judiciala komitato dil Senato.[1] Ta letro esis sendita da Christine Blasey Ford, qua neanonime repetas sua alegajo ye la 16ma di septembro.

Ye la 23ma di septembro aparis l'alegajo di Deborah Ramirez, publikigita da Ronan Farrow e Jane Mayer per The New Yorker. Michael Avenatti anuncis ye la sama dio ke muliero komunikis a lu, . Ye la 26ma Avenatti.

Esis publika audado-kunsido di Christine Blasey Ford e Kavanaugh da la judiciala komitato ye la 28ma di septembro. La komitato ne invitis la altra aleganti. Ol aprobis la nominado di Kavanaugh ye la sequanta dio, ma esis enquesto dal FBI en la sequanta semano.

Christine Blasey Ford[redaktar | redaktar fonto]

Christine Blasey Ford, doktoro e profesoro di psikologio che Palo Alto University, alegas ke ebria Kavanaugh esforcis violacar e silencigar el, kande elu evis 15 yari e Kavanaugh evis 17 yari. El dicis ke to eventis dum la somero di 1982 ye semanodio dum partieto che domo. Kavanaugh e Mark Judge trovus lu irante a balnochambro, cernus e pulsus lu aden dormochambro ed esforcus violacar lu. El asertis ke ili lautigis la muziko por celar bruiso e ke Kavanaugh, esante ebria, metis el sur lito, kushis su sur el, tastis el ed esforcis desmetar elua vesti. Ford anke dicis ke il metis sua manuo sur elua boko, kande el esforcis vokar. El dicis ke el timis ke Kavanaugh sufokus elu acidentale. Pose Judge saltus sur la lito, pulsante omni adsur la sulo e donante a Ford l'okaziono eskapar. Segun el Brett Kavanaugh, Mark Judge, ula yunulo nomita P.J. Smyth, altra yunulo, la nomo di qua el ne savas, ed elua amikino Leland Ingham Keyser asistis la partieto. Elu kredis ke Kavanaugh esforcis violacor el.

El indikis ke lu ne plus savas la exakta dato, ma ke to eventis dum la somero di 1982 ye semanodio. Ford anke dicis ke posible esis plu multa homi kam la kin, quin el memoris e deskriptis.

Ford havis kontakto kun la Washington Post ed Anna Eshoo frue ye junio 2018, kande on mencionis Kavanaugh kom posibla kandidato. Eshoo renkontris el ye la 20ma di julio e konsideris elu kredebla atestanto. Eli decidis delegar l'afero a Dianne Feinstein, senatano por Kalifornia e membro dil judiciala komitato. Ford sendis letro a Feinstein ye la 30ma di julio. Feinstein havis la letro dum plura monati e nur sendis ol a la FBI, pos ke Ryan Grim skribis pri lo en The Intercept. L'alegajo di Ford esis ja dokumentata en 2012, kande el naracis ol ad elua terapiisto.

Kavanaugh e Judge, esante akuzata, ambe negis l'alegajo. Kavanaugh anke asertis ke il ne esis ofte en Washington D.C. dum la somero di 1982. P.J. nur dicabis ke il ne memoras la partieto e ne povas konfirmar l'alegaji. Leland Ingham Keyser profesabis ke el ne memoras l'evento, ma ke elu anke kredas la naraco di Ford. Kavanaugh misreprezentabis lu kom negante l'alegaji, ma ico ne esas vera, elu mem kredas ke l'alegaji da Ford esas vera.

La judiciala komitato dil Senato tenis audado-kunsido ye la 27ma di oktobro pri ica alegaji, audante unesme Ford e pose Kavanaugh.

Kavanaugh prizentis kalendario dum la kunsido, asertante ke ita refutas l'alegaji. Tamen, la kalendario di Kavanaugh indikas la 1ma di julio 1982 kom posibla dato, nam la celulo por ica dato kontenas texto pri partio che "Timmy" (c.e. Tim Gaudette) kun Mark Judge, Tom Kaine, P.J., Bernie McCarthy e "Squi", surnomo di Chris Garrett, kun qua Ford ultempe havis rendevui. Ica dio anke esis semanodio. Plura jurnalisti indikabis ica posibleso.[2]

La konsumado di biro da Kavanaugh anke divenis temo dum la kunsido.

Demokrati e nedependanti gravitis a la vidpunto ke Ford parolis vere e Kavanaugh mentiis pri plura aspekti di sua historio, se ne pri la totalo.

Inter elita Republikani la dominanta opiniono esis ke Ford ne mentiis pri atento ma eroris pri l'atentanto. Plu basa Republikani tamen ofte asertis ke el esas mentiero politikale motivizata, uzante mokanta texti ed imaji.[3] Trump uzabis amba interkontredicanta perspektivi.

Deborah Ramirez[redaktar | redaktar fonto]

Deborah Ramirez, en artiklo da Ronan Farrow e Jane Mayer, alegis ke Kavanaugh expozis sua peniso koram lu e shovis ol adkontre elua vizajo dum partio en la yaro universitatala di 1983 e 1984. Segun la New York Times el dicabis a kelka samklasani ke elu ne esis tote certa ke Kavanaugh esis la expozanto. Altra samklasani atestis ke Ramirez esas kredebla e honesta persono, altri suportis Kavanaugh.[4]

Kavanaugh dicis, ke "ica alegit evento ante 35 yari ne eventis" e ke il ne audis pri l'alegajo ante la 23ma di septembro.

Kerry Berchem, qua konocas ambe Kavanaugh e Ramirez, atestis en mesaji donata a NBC News ke Ramirez persisteme evitis Kavanaugh ed ilua amiki dum mariajofesto di komuna amikino en 1997.[5]

Kenneth G. Appold, historiisto pri la protestanta Reformo che Princeton Theological, dicabis a The New Yorker ye la 3ma di oktobro ke il audis pri l'eventajo admaxime dum du dii pos ol.[6]

Julie Swetnick[redaktar | redaktar fonto]

Julie Swetnick, komputerspecialisto qua laborabis por la federala guvernerio, alegis ke Kavanaugh, Judge ed altri esforcabis metar drogi ed alkoholo (pur etanolo) en drinkaji por deskapabligar viktimi, por ke oni povos violacar eli amase. To eventus che partii che domi en 1980 o 1981, edi el dicis ke lu asistis plu kam 10 partii di tala sorto. Elu anke asertis ke el violacesis che partio, ube Kavanaugh e Judge esis prezenta. Swetnick kontraktis l'advokato Michael Avenatti por la kazo.[7]

Esis konjektebla referi a "quaaludes", drogo ofte uzata da violacanti por deskapabligar viktimi, en la skol-almanako da amiki di Kavanaugh.

Avenatti revelis jurata atesto ye la 2ma di oktobro, da testo alegante ke Kavanaugh modifikis drinkaji per "quaaludes" e pur alkoholo. La muliero anonima deklaris ke lu voluntas atestar a la FBI sub sua propra nomo.

Referi[redaktar | redaktar fonto]