Defenso di Magazino di Sihang

De Wikipedio
Irez ad: pilotado, serchez
Defenso di la Magazino di Sihang
Konflikto Duesma Chiniana-Japoniana Milito
Dato 25 di oktobro til 1 di novembro 1937
Loko Zhabei, Shanghai, Chinia
Rezulto Chiniana venko e retrato de la magazino
Kombati
Chinia Japonia
Komandi
Xie Jinyuan Iwane Matsui
Opozita forci
414 viri, 16 komandanti Nesavita, ma plu multa kam la Chiniani
Perdaji
27 vundita, 10 mortita Plu kam 200 mortita

La Defenso di la Magazino di Sihang (Chiniana: 四行倉庫保衛戰, Simpligita Chiniana: 四行仓库保卫战, pinyin: Sìháng Cāngkù Bǎowèi Zhàn), eventis de 26 di oktobro til 1 di novembro 1937, e markizis la fino di la tri-monata Batalio di Shanghai dum la komenco di Duesma Chiniana-Japoniana milito.

La defenderi di la magazino, savita kom l' Okacent Heroi (Chiniana: 八百壯士, Simpligita Chiniana: 八百壮士, pinyin: Bābǎi Zhùangshì) o la Sola Luktari, rezistis kontre multa ondi di Japoniana militisti, protektante la movado di la Chiniana forci qui retretis weste dum la Batalio di Shanghai. La sucesoza defenso di la magazino helpis la mentaleso di la Chiniana militisti, qua vundesis kande la Japoniani invadis Shanghai. La loko di la magazino esis trans la Suzhou Rivero, ube exterlandani vivis; do, la batalio videsis direkte da multa exterlandani. Pro to, dum kurta tempo l'internaciona komuneso povis pensar pri la supliko di Chiang Kai-shek a la mondo por suporto kontre l'atako di Japonia.