Festivalo Pinkpop
Festivalo Pinkpop, o simple Pinkpop, esas granda, yarala muziko-festivalo qua eventas en Landgraaf, Nederlando.
Ol normale eventas dum la pentekosto-semanfino (Pinksteren en la Nederlandana, do la nomo Pinkpop). Se pentekosto esas ye frua dato en mayo, la festivalo eventas plu tarde dum junio.
Komencinta en 1970, ye Burgemeester Damen Sportpark en l'urbo Geleen, PinkPop esas la maxim longe eventanta yarala muziko-festivalo di pop e rock en la mondo.
Nunadie, Pinkpop esas tri-dia festivalo, de saturdio til lundio kande ol eventas dum la pentekosto-semanfino, o venerdio til sundio altrakaze, kun kapaceso por 60.000 homi singladie, e plei sur 4 aparta estradi.
De 2006 til 2011, bilieti por Pinkpop parvendesis dum sis intersequanta yari. Dum 44 festivali, plu kam 2 milion homi asistis Pinkpop. Cirkume 700 bandi e muzikisti pleis che la festivalo dum la yari.