Geologio dil areo di Capitol Reef
L'expozita geografio dil areo di Capitol Reef montras historio di sedimento maxim multe de Mezozoiko en Nord-Amerika en, e proxime a Capitol Reef nacionala parko. Preske 3 000 m di sedimentala strati esas trovata en ta areo, ed ol reprezentas preske 200 milion yari di historio geologiala en la sud-centrala parto di stato di Utah en Usa. La maxim anciena ek ica roki venas de Permiano (admaxime 270 milion yari) til Kretaceo (adminime 80 milion yari)[1].
Roko-strati en l'areo montras anciena klimati tre varioza, kun riveri, marshi, dezerti quale Sahara, e neprofunda oceani.
L'unesme konocita sedimenti en l'areo kreesis kande neprofunda maro invadis la lando dum Permiano. Unesme greso depozesis, ma kun la profundesko di maro kalkopetro sequis ol. Dum Triasiko rivereti depozis slamo ante ke l'areo levesis, ed erozesis. Konglomerato kun arboro-trunki, fango e cindri adportata da vento anke venis. Dum la mezala Triasiko la lando sekeskis, e dum ta sekesko tre multa greso depozesis kun altra sedimento de lenta rivereti. Kande altra maro retrovenis ol ulatempe inundis l'areo e depozis evaporito. Sablo-strata insuli ed altri kontribuis sablo por greso, ed anke povi por konglomerato e fango por skist-argilo. Maro ekiris itere, e vice ol developis rivereti, lagi e marshi por altra sedimenti. Altra maro, nomizata Western Interior Seaway en Angla linguo, retrovenis dum Kretaceo, depozis plu multa greso e skist-argilo, ma desaparis dum frua Cenozoiko.
Referi
[redaktar | redaktar fonto]- ↑ NPS, "Capitol Reef"
Extera ligili
[redaktar | redaktar fonto](omno en Angla)