Historio di eklezio (Joseph Smith)
Historio di Eklezio esas mi-oficala historiala naraco pri la komenco di la Movado di Lasta-Dia Santi dum la vivo di lua fondinto, Joseph Smith. Ol larje konsistas ek la verki da Smith, interpolata per remarki da la sekretarii di Smith, da jurnalisti, e pos lua morto, da historisti del Eklezio di Iesu Kristo di Lasta-Dia Santi.
Ta verko skribesis inter 1839 e 1856. Parto ek li publikigesis en la revui Tempi e Sezoni, ed en altra imprimuri del eklezio. Li pose publikigesis da B.H. Roberts kom parto di 7-voluma serio, l'unesma en 1902, sub la titulo Historio dil Eklezio di Iesu Kristo di Lasta-Dia Santi.
|
Publikar la Historio dil Eklezio konsideresas solena devo a la Santi ed a la mondumo. L'eventi qui nune kompozas la Historio dil Eklezio esas la maxim importanta ke la historio povas kronikigar. Do, konseque debesas ambe a la Santi ipsa e a la mondo ke la fidela e kompleta historio di la fakti en quo l'Eklezio di Iesu Kristo di Lasta-Dia Santi originis, kune l'eventi tra qua ol pose developesis, e kune omna la cirkonstanci, experienci e probi subisita da ol, divenos konocita dal homaro.
Ank esas importanta ke sempre kam posibla l'eventi qui formacis la historio raportesos da personi qui vidis ol, nam tala raporti donos a la lektero la certifiko pri fakti de unesma fonto; e samatempe registragesos l'evidenteso historiala de la veresi ibe asertata. |
|
Extera ligili
[redaktar | redaktar fonto]- Historio dil Eklezio (Angla)