Kakao

De Wikipedio
Irez ad: pilotado, serchez
Cacao-pod-k4636-14.jpg
Wikipedio
Wikivortaro explikas
ca rubriko
en altra lingui: Kakao

Kakao esas grano kontenata da la frukto di arbusto ek la familio "malvacei" (teobroma cacao) e qua, grilite e triturite kun sukro, donas chokolado.

Ol esas extraktita di beri, qua on apertas dum rekolto ed sekigas.

La fabi esas aglomerita ad centro di kaboso en maso kun kin rangi korespondanta ye kin ovulo-celuli. Ol havas varianta formo, ovatra plata por longa proxim 25 mm, larja 15 mm e dika 8 mm.

La mandelo esas formita per granda embriono qua komportas du kotiledoni rifaldita sur su. Ol esas di varianta koloro, de blanka til darka violeto segun diverseso. Ol esas envelopita di roza o pala reda tegumento.

Kakao-fabi kontenas proxim 50 % di grasa materio, 5 % d'aquo, 7 % d'amilo, 4 % di celulozo, 2 % di teobromino e 20 % di altra proteini e 6 % di minerala subtanci.

Pos la rekolto, la kakao-grani esas fermentacinta du semano, sekita, desjerma e torefakta per divenar la kakao-fabi di komerco. On deprenas la duimo di graso, nominita kakao-butro, per certa aromata e farmaciala uzaji note.