Kleptomanio

De Wikipedio
La furtanta servanto

Kleptomanio (de la Greka Κλεπτομανία) esas nekapableso di ul individuo pri rezistar l'obsedo pri furtar objekti, sen dependar de la valori dil objekti, e mem se lu ne volas posedar li. Ol esas perturbo di la kontrolo di impulsi, e klasifikesas kom psikologiala dependo. Ante furtar, l'individuo subisas anxio, qua diminutas pos ke lu kaptas la dezirata objekto.

L'individuo qua praktikas kleptomanio nomizesas kleptomaniiko. Li agas probanta satisfacar impulso nemediate e sen intenco pri nocar ulu. To diferas li de furteri o furtisti, qui furtas por diverto, por ekonomiala motivi o por nocar altra individui, e multafoye projetas detaloze quale facar la furto dum hori, o mem dum multa dii.

La simptomi di kleptomanio povas inkluzar:

  • granda obsedo pri furtar objekti quin lu ne bezonas
  • kreskanta tenso, qua duktas a la furto
  • instantala plezuro dum e nemediate pos la furto
  • granda sento di kulpo o shamo aparanta kelka tempo pos furtar.
Wikipedio
Wikipedio
Wikivortaro explikas
ca rubriko
en altra lingui: Kleptomanio