Kroniko di Peterborough

De Wikipedio
Irez ad: pilotado, serchez
L' unesma pagino di la Laud-Manuskripto. La skribajo esas la verko di la kopiisto e ne di la skribisti di la Unesma o Duesma kontinui.

La Kroniko di Peterborough (Peterborough Chronicle en l' Anglian) esas un de la Anglo-Saxona kroniki qua kontenas unika informajo pri la historio di Anglia pos la Konquesto di la Normani. Segun la filologo J.A.W. Bennett, ol esas la sola prozo-historio en la Angla inter la Konquesto e la tarda 14ma yarcento.

La kroniki kreesis da kelka monakeyi di Anglo-Saxona Anglia ed esis probo skribar la historio di la mondo. Malgre ke la Kroniko di Peterborough ne esas historio profesionala, ed on devas uzar historii en la Latina (p.e. Gesta Regum Anglorum da William de Malmesbury), ol esas un de l'unesma direta rakonti pri la periodo de 1070 til 1154 en Anglia, skribita en la Angla e de ne-kortala punto di vido.

Ol esas anke fonto di informajo pri la frua Mez-Angliana linguo ipsa. La unesma kontinuo, por exemplo, esas skribita en Ancien Angliana, ma la duesma kontinuo komencis montrar formi mixita, til la konkluzo di la duesma en qua la formo divenas distingeble Mezala Angla. Por exemplo, la hominala pronomo "she" (kom "scæ") unesme aparas en la Kroniko di Peterborough.

Extera ligili[redaktar | edit source]