La Homa Skolopendro
La homa skolopendro (Unesma Epizodo) (titulo originala: the Human Centipede) esas hororo-filmo de 2010 produktit e rejisita, da Tom Six. La filmo koncernas frenezia doktoro qua volas sutar tri homi kune, boko kontre anuso, por krear homa skolopendro. La filmo ganis kelka premii che internaciona filmofesti dedikit a la hororo-genero, malgre recevir mixita kritikala recepto.
Segun Six, la koncepto venis de joko quan il facis kun amiki, pri punisar infanto-violacero per sutar ilua boko al anuso di “grosa kamionisto”. Altra fonto di inspiro esis l’experimenti medikala da naziisti dum la duesma Milito Mondala quale facita da Josef Mengele en la koncentreyo di Auschwitz. Dum aproximar kolokeri por financizar la projeto Six ne mencionis l'origino dil idei pro pavoro repugnar posibla susteneri: finanizeri ne deskovris la temo di la filmo til ke la filmo parkreesis.
Du epizodi esis skribit e rejisita da Six – Plen Epizodo e Final Epizodo. La tota trilogio esis kombinit en un filmo en 2016, titulizita Komplet Epizodo, quan Six deskriptis kom “filmo skolopendra” pro ke singla ‘epizodo’ duktis ad olua sucedajo dum ke il laboris samatempe pri separat aparta filmo.