Leonid Brejnev

De Wikipedio
Irez ad: pilotado, serchez
Leonid Ilyich Brejnev
Brezhnev 1973.jpg

Generala sekretario di Komunista Partiso di Flag of the Soviet Union.svg Sovietia
Periodo di guvernerio: de 14 di oktobro 1964 til 10 di novembro 1982
Precedanto: Nikita Hrushchev
Sucedanto: Yuri Andropov

Personal informi
Nasko-dio: 19 di decembro 1906
Nasko-loko: Kamenskoe, Rusiana Imperio
Morto-dio: 10 di novembro 1982
Morto-loko: Moskva, Sovietia
Spozo: Viktoria Brejneva
Profesiono: injenioro e politikistulo
Politikala partiso: Komunista Partiso di Sovietia

Leonid Ilyich Brejnev (1906 til 1982) esis politikisto di nomenklatura de Sovietia ke kontrolis de 1964 til morto.

Biografio[redaktar | edit source]

Naskinta en Kamenskoe (nune Dniprodzerzhynsk, en Ukrainia) il recevis teknikala eduko pos Rusiana Revoluciono. Il eniris la yuneso di Komunista partiso (Komosomol) en 1923 ed en 1929 il eniris en la propra partiso.

Brejnev obtenis diplomo di metalifala injenioro en 1935 e verkis en industrii en Ukrainia. De 1935 til 1936 il servis Sovieta armeo. Kande nacionalsocialista Germania invadis Sovietia en 1941 Brejnev esis imediate rekrutita. Kande Germaniani invadis Ukrainia il esis sendita a Kaukazo por organizar Transkaukazia fronto. En 1943 il esis sendita por komandar l'Unesma Ukrainiana fronto.

Brejnev ekiris armeo en 1946. En 1952 il divenis membro di la Centrala Komitato di Komunista Partiso. Pos la morto di Yosif Stalin, Nikita Hrushchev indikis il kom Lietnanto-generalo, por kontrolar l'armeo e la mar-armeo. En 1956 il divenis responsebla por Sovieta spacala programo. Pos Hrushchev esar ekpulsita de povo en 1964, Brejnev ganis plu povi.

Dum la Brejnev-regno ta landi atingis granda extera suceso e la vivo esis sekura ma poka libera. L'ekonomio esis tre frajila note pro maxim milita spensado.

Precedanto
Nikita Hrushchev
Generala-Sekretario di Komunista Partiso di Sovietia
1964 til 1982
Sucedanto
Yuri Andropov