Masakro en la skolo di Tuusula
Ye 7 di novembro 2007 proxim Helsinki, Finlando, en skolo di Tuusula, 18 yari evanta studiantulo Pekka-Eric Auvinen mortigis ok homi e fine ilu suocidis.
L’ evento
[redaktar | redaktar fonto]Ye 11.44 kloki la surveyanta centro pro bezono esis anuncata pri pafado en skolo-centro Jokela, en Tuusula. Samatempe la skolestrino imperis per l’ interna radio la skolani e docisti restar en klaso-chambri e seruragante klozar la pordi.
La pafanto movis c. duadek minuti en la skolo pafante vers homi e la cirkumajo. Ilu entraprezis anke inflamar un koridoro per incendiiva fluido. La policisti arivis en loko ye 11.55 kloki. Pos l’ evento policisti kolektis 76 amunicioniero e trovis 320 neuzata kartochi.
Per la kugli di fusilo mortis la skolestrino, saneso-sorgisto di la skolo, kin pueruli (un 16 evanta, du 17 evanta, du 18 evanta) ed un 25 yari evanta studiantino, qua havis du filii. 12.04 kloki la aganto pafis unfoye vers policisti, ma policisti ne kontrepafis.
Parto de la skolani sucesis fugar tra fenestri, ma parto mustis restar longe en klaso-chambri vartante la salvesko. Dekeun homi lezis li neserioze dum l’ eventi pro diferanta kauzi. L’ atako-grupo Karhu ('urso') di la polico invadis la skolo ye 13.30 kloki. Erste nun on povis evakueskar la celinta skolani e helpar la vunditi. Policani trovis l’ aganto ye 13.53 en latrino. Ilu pafabas lu aden la kapo ma il ankore vivis. L’ aganto ne plus rivivigis e lu mortis en kliniko pos ok hori ye 22.15 kloki. L’ evakuo da la policani duris til 15.20 kloki, pro ke on ne esis sekura, kad existis posibla plusa pafanti en la skolo.