Merkuro

De Wikipedio
Irez ad: pilotado, serchez
Wikipedio
Wikivortaro explikas
ca rubriko
en altra lingui: Merkuro


Merkuro, vidita da Mariner 10 en 1974

Merkuro esas unesma (o maxim interna) planeto de la Suno. Lua orbito esas ovala: maxim kurta disto de la Suno esas 46,5 milioni km e maxim longa disto esas 70,5 milioni km. L'angulo inter l'orbito di Merkuro e Tero esas 7 gradi. (Anke l'orbito di Plutono ne esas en sama plano kam orbiti di altra planeti.)

Merkuro havas febla magnetala feldo. Lo posible signifikas, ke lua interna parto esas preske samatipa kam di Tero. Merkuro esas kelka plu granda kam Luno.

  • la diametro = 4,800 km.
  • un yaro = 88 terala dii.
  • un dio = 59 terala dii.
    • Suno brilas neinterruptante 3 monati. La temperaturo esas +300…+400 ˚C.
    • nokto duras anke 3 monati. La temperaturo esas -180 ˚C.

De Tero, Merkuro esas videbla tre base sive pos decendo sive ante acenso di la Suno.

La unesma kosmosondilo qua vizitis Merkuro esis Mariner 10 en 1974. Atingar orbito cirkum la planeto esis neposibla pro olua proximeso a la Suno; ol pasis la planeto trifoye, intertempe flugante cirkum la Suno; la lasta paso esis ye 16 di marto 1975. Plusa vizito esis da la kosmosondilo MESSENGER, qua pasis Merkuro trifoye dum 2008 e 2009, ed atingis orbito cirkum la planeto en 2011.