Muzikal instrumento

De Wikipedio
Irez ad: pilotado, serchez

Muzikal instrumento es moyeno konstruktita o modifikita kun intenco di facar muziko. En principo, ulo ke produktas sono povas servar kom muzikal instrumento. La termo "muzikal instrumento", tamen, es generale rezervita per artikli ke havas specifika muzikala skopo kom piano. L'akademiala studio di muzikal instrumenti es nominita organologio.

Arkeologio ed antropologio[redaktar | edit source]

Eruditi konvenas ke ne es komplete fidinda metodi per determinar l'exakta kronologio di muzikal instrumenti tra kulturi. Komparar ed organizar instrumenti bazita pri lua komplexeso es misduktanta, pro ke avancadi en muzikal instrumenti havas kelkafoye reduktita komplexeso. Per exemplo, konstruktado di frua fenduro-tamburi bezonas abatar e kavigar de granda arbori; pose fenduro-tamburi es facita da apertita bambuo stipiti, plu simpla tasko. Es egale misduktanta aranjar la developado di muzikal instrumento per laboreso pro ke omna kulturi avancas a diferenta niveli e havas aceso a diferanta materii. Per exemplo, antropologisti esforcanta komparar muzikal instrumenti facanta per du kulturi ke existas dum la mem epoko ma qua diferas en organizuro, kulturo, e mestiero ne povas determinas qua instrumenti es plu "primitivo". Klasar instrumenti per geografio es anke partale nefidinda, kom uno ne povas determinar kande e quale kulturi kontaktita l'una l'altra e partoprenas savajo. Germaniana muzikologisto Curt Sachs propozita ke geografiala kronologio es preferinda, tamen, pro lua restriktita subjektaleso.

Tipi[redaktar | edit source]

Omna muzikal instrumenti es kontenita en la klasifikuro di uno di quar tipi di instrumenti, latuna blov-instrumento, ligna blov-instrumento, perkut-instrumento e kord-instrumento.