Nacionala konvenciono

De Wikipedio
Irez ad: pilotado, serchez
Deputati esis en salle du Manège di Tuileries ube asemblis su Nacionala konvenciono til 9 di mayo 1793. Pose translokis al anciena salle des Machines di Tuileries-palaco, granda chambro en la basa nivelo uzita por multa spektakli. En ta ultima chambro, la galerii esis previstita por 800-900 personi; ica cifro povis duplikesat en kelka okazioni.

Nacionala konvenciono (Franciane: Convention Nationale) esis la precipua instituco di l'Unesma Franciana Republiko, Asemblo elektita di Konstitucala karaktero qua koncentris exekutala e legifanta povi de 20 di septembro 1792 til 26 di oktubro 1795. Komencis kun asemblo di konstitucala tipo konvokita en septembro di 1792 e formesis ek l'elektadi celebrita ante. Unu di lua unesma skopi esis la redaktado di konstituco qua substitucis ta di 1791. Ica konstituco, quankam ne esis praktikita pro exterlanda presioni, konsideresas da multa historiisti kam unu dil maxim extrema qua existabas. Ol inkluzis universala sufragio, yuro a l'edukado ed a laboro e protektado kun publika pekunio di la maxim humili.

Morgo di unesma dio l'asemblo supresis la monarkio. Poka una yaro pos, 22 di septembro divenos l'unesma dio di Revoluciona kalendario, di republiko.