Opportunity

De Wikipedio
Irez ad: pilotado, serchez
Artificala imajo di Opportunity en Endurance-kratero

Opportunity esas kosmosondilo, parto di projeto di NASA por explorar la geologio di la planeto Marso. Ol lansesis ye 7 di julio 2003, e ye 25 di januaro 2004 ol atingis la surfaco di Marso.

Ye arivo la kosmosondilo, qua portis vehilo, situesis en kratero, proxim olua bordo. To esis interesiva por la ciencisti di la projeto; li iniciis explorado di la petri e sulo en la kratero. La vehilo pose departis de la kratero e komencis explorado di la regiono.

Li expektis ke la misiono durus dum 90 marsala dii (un marsala dio esante kelke plu kam un terala dio); tamen en januaro 2014 Opportunity ankore funcionis e transmisis informeso. En agosto 2013 ol atingis ula saliajo di la bordo di Endeavour-kratero, nomizita Solander Point. Ye meza januaro 2014, la tota voyajo-disto di la vehilo, depos arivo, esis 38,73 km.