Reda Kruco

De Wikipedio
Irez ad: pilotado, serchez
Emblemi di Reda Kruco e Reda Miluno.

Internaciona Movemento Reda Kruco e Reda Miluno esas internaciona humanal organizuro fondita da Henri Dunant.

La primara impulso a fondo dil internaciona helpo-organizuro esis la shokiva experienci di Henry Dunant sur la bataliofeldo en Solferino ye 1859. La precipua fondoyaro di la Reda Kruco esas 1863, kande Dunant kunvokis la unesma komitato ponderar, quale on povas sekurigar per internaciona kontrati la medicinala kuraco e la flego di la vunditi dum milito.

La organizuro di Reda Kruco esis kreita por protektar homala vivo e saneso, e por preventar e moderar homala sufreso, sen dicerno di raso, nacioneso, sexuo, religiala kredo, klaso o politikal opiniono.

Reda Kruco havas cirkum 97 milioni di membri nune en tota mondo. Nacionala Reda Kruci e Nacionala Reda Miluni funcionas en preske omna landi. Nun 186 nacionala Reda Kruci o Reda Miluni existas en tota mondo.

La movemento dil Internaciona Reda Kruco e Reda Miluno konsistas ek diversa nedependanta organizuri unionita en la movemento tra komuna bazala principi, simboli, skopi e statuti. Lua parti esas:

  • Internaciona Komitato di Reda Kruco (ICRC), fondita ye 1876 kun sideyo en Genève, Suisia.
  • Internaciona Federuro di Reda Kruci e Reda Miluni (IFRC), fondita ye 1919 por koordinar la 187 nacionala Reda Kruci e Reda Miluni di tota mondo.