Sverre de Norvegia
Sverre Sigurdsson (Sverrir Sigurðarson) (c. 1145/1151 – 9 di marto 1202) esis rejo di Norvegia de 1184 til 1202. Lu mariajis Margareta Eriksdotter, la filiino dil Suediana rejo Erik la Santo, e kune li naskigis la filiino Kristina Sverresdotter.
Multa homi pensas ke lu esas un ek la maxim importanta chefi en la historio di Norvegia. Lu divenis la chefo dil rebel-grupo la Birkeneiner-i, dum lia kombato kontre Rejo Magnus Erlingsson. Pos la desvinko di Magnus a la Batalio di Fimreite ye 1184, Sverre divenis la sola rejo di Norvegia. Diferi kun la Kirko, tamen, duktis a lua exkomuniko ye 1194. Altra civila milito komencis kontre la kirko-suportita Bagler-i, qua duris pos la morto di Sverre ye 1202.
Extera ligili
[redaktar | redaktar fonto]- Oslo's coin cabinet – Pekunio emisita da Sverre
- The Saga of King Sverri of Norway – Traduko en la Angla de 1899
- Sverris saga in English translation - altra traduko en la Angla