Irez a kontenajo

Örebro

De Wikipedio
Örebro
Kelk imaji pri Örebro.
Blazono
Lando: Suedia
Regiono: Närke
Informo:
Latitudo: 59°16'26"N
Longitudo: 15°12'27"E
Altitudo: 34 m
Surfaco: 1620,61 km²
Habitanti: 160 700 (2024)
Denseso di habitantaro: 99 hab./km²
Disto de Stockholm: 195,2[1] km
Horala zono: UTC+1
(UTC+2 dum somero)
• Örebro
Aeral imajo pri Örebro.

Örebro esas urbo en Suedia. Segun statistiki dil yaro 2024, ol havis 160 700 habitanti. La tota surfaco dil municipo esas 1620,61 km². Lua urbal areo havas 55,75 km² e 128 658 habitanti en 2023.

Dum l'unesma duimo dil 20ma yarcento Örebro konocesis kom "la shuo-urbo" pro la granda quanto di fabrikerii di shui ibe. Nun la maxim multa esas klozita, tamen Örebro ankore esas industrial urbo, ma servadi ed eduko anke divenis importanta ekonomial agadi. Nun, la maxim importanta employanti esas l'Universitato di Örebro, injeniorarto-kompanio Epiroc, e l'Universitatala Hospitalo di Örebro.

Örebro havas strategiala lokizo por komerco, transporto ed enmagazinigado di vari. Ol distas cirkume 200 km de Stockholm, 300 km de Oslo e 280 km de Göteborg.

Örebro okupas la du rivi di rivero Svartån. En 1061 eventis batalio ibe, pos quo lora rejulo Magnus Henriksson revokesis da Karl Sverkersson.

On kredas ke dum la 13ma yarcento od admaxime 1404 Örebro recevis privileji di urbo. Lor ol konsistis nur ek poka quarteri inter Storbron e Stortorget. La precipua strado dil urbo, lor nomizita Gatun - nun Drottninggatan - trairis la urbo desude adnorde. Dum multa tempo ol esis la sola strado dil urbo. Dum Mezepoko eventis multa konflikti en la urbo. Lua fortreso transformesis en kastelo ed asejiesis diversa foyi.

La 4ma di februaro 2025 dek-e-kin personi mortis pro atento en skolo[2], inter qui anke la pafinto. La pafinto esis chomanto kun psikala problemi.