Aerobikala gimnastiko
Aerobikala gimnastiko (kurtigit ad aerobikalo, del adjektivo aerobiko; Angle: aerobics) esas efikiva korpal exerco qua ofte exekutesas akompanate da muziko. Forteso, flexebleso, koordino e takto esas exercata. Aerobikala gimnastiko esas tre popular inter mulieri qui to facas grupe kun instruktisto o sole avan televizion-aparato. Dum la yari 1960a, dro. Kenneth H. Cooper introduktis exercaro por plu-fortigar la kordio e la pulmoni, e komencis l'unesma "aerobikal"-instrukto en Usa. Ilua libro "Aerobics" efektigis definitiva popularesko dil exercaro.
Cooper, exerc-entuziasmanto, esis astonata pri pro quo kelka homi kun bona muskulala forteso kontree esis tante febla pri aktivesi quale kurar longa-diste, natar e biciklagar. Il komencis uzar biciklal ergometro por mezurar l'exekuto dil exerco relatante la kapableso di persono uzar oxo.
Aerobikala gimnastiko facesas por kombustar grasi e karbon-hidrati ed ameliorar la korpala stando.
Existas diferanta sorti di aerobikala gimnastiko, quale interfal-aerobikalo, (exerco alternata da periodi de repozo), paz-aerobikalo (ube on stacas sur ula platformo), aqu-aerobikalo (aerobikal exerci en aquo) e dans-aerobikalo.
Aerobikala sesiono ofte konsistas ek:
- varmigo
- kordio-exerco
- (planko-)sul-exerco
- extenso/koldetigo