Albert la 1ma di Monako

De Wikipedio
Irez a navigado Irez a serchilo
Albert I, Prince of Monaco.jpg

Albert la 1ma (n. 13ma di novembro 1848, m. 26ma di junio 1922) esis Princo di Monako de 10ma di septembro 1889 til morto.

Il esis Princo di Monako depos la morto di sua patro Charles la 3ma, fondinto di la kazino ye Monako. En 1910 esis protesti kontre la regno di Albert, ed en 1911 il grantis konstituceso a Monako.

Il esis multe interesata pri oceanografio, kun partikulara intereso pri la polala regioni; de 1898 til 1907 il facis quar ciencala expedicioni a Svalbard en sua yakto. En 1906 il fondis la Institut océanographique, qua havas du muzei, en Paris e Monako, ed agas pri la ekologio dil oceani.