Andamani e Nikobari

Andamani e Nikobari अंडमान और निकोबार द्वीप அந்தமான் நிகோபார் தீவுகள் Teritorio di India Plajo Kala Pathar, che insulo Havelock. Chefurbo Port Blair Maxim granda urbo Port Blair Oficala linguo o lingui: Hindi, Angla Altra lingui parolesas regionale Surfaco 8 249 km² Habitanti Denseso di habitantaro 380 520 (2012) 43,18 hab./km² Lietnanto-guvernisto Devendra Kumar Joshi Fondita o kreita 1950 (teritorio) Horala zono UTC+5:30 TNP (yaro) US$ 1,2 miliardi (2021-22) Reto https://andaman.gov.in/

Insulo Ross, oficale konocata kom Insulo Netaji Subhash Chandra Bose.

Andamani e Nikobari (Bengali: আন্দামান ও নিকোবর দ্বীপপুঞ্জ, Tamil: அந்தமான் நிகோபார் தீவுகள், Hindi: अंडमान और निकोबार द्वीप, Malayalam: ആന്തമാന്‍ നിക്കോബാര്‍ ദ്വീപുകള്‍, Telugu: అండమాన్ నికోబార్ దీవులు, Angle: Andaman and Nicobar Islands) esas un ek l'ok union-teritorii di India. La du insulari situesas en l'Indian Oceano en la sudo di Gulfo di Bengal.

Andamani e Nikobari separesas da la dekesma latitudo. Andamani jacas super e Nikobari sub ol. Strategiale l'insuli esas multe importanta por India. La teritorio havas marala frontieri kun Indonezia, distanta 165 kilometri sude. Myanmar distas 280 km nord-este, e Tailando distas 650 km sud-este.

Geografio

Foresto en norda Andamani.

La teritorio okupas 8 249 km² e konsistas ek 853 insuli, de qui 31 permanante habitata. Lua teritorio extensas de latitudi 6°N til 14°N, e longitudi 92°E til 94°E. La du insul-grupi separesas per tale nomizita "10-Grada kanalo", larja de 150 kilometri (93 milii). Arkipelago Andamani kovras 6 408 km², kontre ke Nikobari kovras 1 841 km². La maxim alta monto dil arkipelago esas Saddle Peak, kun 737 metri di altitudo en norda Andamani. Barren Island, che Maro di Andamani, esas la sola aktiva volkano dil teritorio.

L'insuli kovresas per manglieri e kokosieri, od arbusti e dispersa vejetantaro en sua litori. Existas 12 tipi di foresti en la teritorio. Norda insuli en Andamani kovresas per densa foresti tropikala.