Apollo 12

De Wikipedio
Charles Conrad examenas Surveyor 3

Apollo 12 esis lansata ye 14 di novembro 1969 vers la luno, portante tri homi. La misiono esis la duesma en qua homi arivis sur la luno. Charles "Pete" Conrad ed Alan L. Bean arivis ye 19 di novembro ye la projetita loko di la surfaco, sur Oceanus Procellarum e proxim la kosmosondilo Surveyor 3, qua jacabis ibe depos aprilo 1967.

Dum la tempo ye la surfaco, Conrad e Bean marchis a Surveyor 3 e prenis parti de la sondilo por analizo ye Tero. Li anke kolektis roki ed erektis aparati qui transmisus sismala ed altra mezuri a Tero. Conrad, Bean e Richard F. Gordon, qua restis en orbito cirkum la luno dum ca exkursi, arivis ye Tero ye 24 di novembro.