Baekje

De Wikipedio
Salti al navigilo Irez a serchilo
La peninsulo Koreana c. 375.

Baekje o Paekche (백제; 百濟) esis rejio qua existis de 18 aK til 660 che Koreana peninsulo. Ensemble kun Goguryeo e Silla ol esis un ek la nomizita "tri rejii de Korea".

Baekje fondesis dal rejo Onjo, la triesma filiulo del rejulo Jumong de Goguryeo. La du stati, Goguryeo e Baekje, postulis esar la sucedinti del rejio Buyeo, qua existis norde de la peninsulo Koreana de la 2ma yarcento aK til cirkume la yaro 494, an la centro di Mandjuria. Dum lua existo, Baekje alternante luktis kontre Goguryeo e Silla, e dum lua expanso ol prenis kontrolo di teritorii weste de la peninsulo, irante norte til nuna Pyongyang. Ol posible okupis teritorii en Chinia, tamen to restas kontroversa.

Baekje esis granda marala povo, e helpis expansar Buddhismo tra estal Azia, ed adportis kontinentala kulturo a Japonia. Pro la navigala habileso de lua maristi, ol surnomizesis "Fenicia de estal Azia".