Basa Kalifornia

Basa Kalifornia Baja California (Hispana) Stato di Mexikia Kaktusi che dezerto di Basa Kalifornia. Chefurbo Mexicali Maxim granda urbo Tijuana Oficala linguo o lingui: Nula. Hispana, lingui Mixteka, Zapoteka, nahuatl, triqui, cucapá, kumiai e cochimí parolesas Surfaco 71 450 km² Habitanti Denseso di habitantaro 3 769 020 (2020) 52,75 hab./km² Guberniestro Marina del Pilar Ávila Olmeda Fondita o kreita 16ma di januaro 1952 Horala zono UTC-8 (UTC-7 dum somero) TNP (yaro) USD 86 652 milioni (2019) Reto www.bajacalifornia.gob.mx

Basa Kalifornia esas la 29ma de la 31 stati di Mexikia. Segun statistiki de 2019, ol havis 3 315 766 habitanti. Lua tota surfaco esas 71 450 km².

Jacanta an la nordo di peninsulo Basa Kalifornia, ol havas frontieri kun Usana stati Kalifornia norde ed Arizona nord-este, kun Mexikiana stato Sonora e gulfo di Kalifornia este, kun Basa Kalifornia Sudo sude, e kun Oceano Pacifiko weste.

Historio

Mapo de 1650 montras Basa Kalifornia kom insulo.

On kalkulas ke l'unesma habitanti di la regiono arivis cirkume 14 mil yari ante nun, per navigado alonge la litoro di Pacifiko. Ta grupi transvivis per chasado e posible parolis linguo o lingui de grupo yumano-cochimí. L'unesma Hispano qua desembarkis en la regiono esis Fortún Jiménez, de la grupo di Hernán Cortés, qua vidis e vizitis la peninsulo, tamen pensis ke ol esis insulo. En 1839 Cortés komencis expediciono a la regiono kun 3 navi, exploris ol e vizitis insulo Cedros, tamen perdis un ek lua navi dum la komenco di la voyajo. En 1542 altra expediciono, komandita da Juan Rodríguez Cabrillo, mapigis la regiono. Erste en 1683 jezuitis fondis misiono San Bruno sude de la regiono.