Batalio di Borodino

De Wikipedio
Jump to navigation Jump to search
Batalio di Borodino
Battle of Borodino 1812.png
Batalio di Borodino, pikto da Louis-François Lejeune.
Konflikto: Napoleona militi
Dato: 7ma di septembro 1812
Loko: Vilajo Borodino, proxim Moskva, Rusa imperio
Rezulto: Francia vinkas taktikale, e Napoléon kaptas Moskva.
Militanti
Grand Armée, Dukio di Warszawa e Kunfederuro di Rheno Rusa imperio
Komanderi
Napoléon Bonaparte
Michel Ney
Joachim Murat
Eugène de Beauharnais
Mihail Kutuzov
Pyotr Bagration
Michael Andreas Barclay de Tolly
Trupi/equipuri
130,000–190,000 soldati
587 kanoni
120,000–160,000 soldati
624 kanoni
Perdaji
c. 28,000–35,000 mortinti, kaptiti o vunditi (inkluzite 47 generali) 40,000–45,000 mortinti, vunditi o kaptiti (inkluzite 23 generali)

La Batalio di Borodino (Ruse: Бородинское сражение, Borodinskoe srazhenie) en la kampanio di Rusia esis la maxim sangoza batalio qua eventis en unika dio, dum Napoleona militi. Ol eventis ye la 7ma di septembro 1812 inter Grande Armée (108 000 soldati) komandita da Napoleon la 1ma, e la trupi de Rusa imperial armeo komandita dal generalo Mihail Kutuzov (140 000 soldati), proxim la vilajo di Borodino e la rivero Moskva. On kalkulas ke 70,000 til 80,000 soldati de la du armei mortis, vundesis o kaptesis dum ta batalio. Napoleona trupi kaptis la precipua pozicioni sur la bataliagro, ma faliis destruktar la Rus armeo.

Strategiala konsideri e la granda perisi koaktis la Rusiani retretar morgo. La Batalio di Borodino esis esencala punto en la kampanio, pro ke esis la lasta atakema ago da Napoléon en Rusia. Per retreto, la Rus armeo prezervis lua militala potencialo e tandem povis pose ekpulsar Napoléon de lando.

Batalio dil reduto di Shevardino[redaktar | redaktar fonto]

Rusi expektis ke Napoléon avancis tra la nova choseo de Smolensk a Moskva, do li extensis lia trupi strategiale ibe. Rusi anke havis pentagonala ter-fortifikuro cirkum la vilajo di Shevardino sinistre de la choseo.[1] Rapide Rusa generali parkomprenis ke lia sinistra flanko esis vundebla, e movis lia forci vers ibe. Rusa chefo di stabo Alexey Yermolov skribis en lua personala jurnalo ke Rusa trupi esis en movo sinistre kande Franca trupi arivis, plu balde kam li expektis. Ye la 4ma di septembro importanta kavalrio batalio. Morgo kun infantrio rinforci atakanta de westo e sudo la Franci kaptis ta reduto kun 4 000 perdaji kontre 7 000 de la Rusi.

La batalio[redaktar | redaktar fonto]

La rusa dextra flanko esis maxim forta ma ne-acensebla per Franc atako, dum ke lua sinistra flanko ne havis defensiva protektado. Napoleon selektis la centro per la precipua shoko. Kun maxima suporto de Franc artilrio dum hori la batalio eventis proxim la reduto Raevsky, e rezultis cirkume 28 000 Franca perdaji (e multa kavali) kontre cirkume 44 000 Rusi.

Referi[redaktar | redaktar fonto]

  1. Mikaberidze, Alexander (2007) - The Battle of Borodino: Napoleon Against Kutuzov - . (London) Pen & Sword.