Biro
Biro esas alkohola drinkajo produktita tra la sukro-fermentaco suspendita en aquala medio, e qua ne esas distilita pos fermentaco. La ne fermentacita sukrala dissolvuro, nominita mosto, esas obtenita de macerinta malta hordeo-grano, lupulo e multa cerealo.
Etimologio[redaktar | redaktar fonto]
La vorto Idala "biro" venas de Angliana (beer), Franciana (bière), Germaniana (Bier) ed Italiana (birra), ed ultime decendas del Proto-Germana *beuzą, qua anke signifikas biro.
Historio[redaktar | redaktar fonto]
Biro apartenas al maxim ancienca fermentata drinkaji, quin la homaro produktas. Ol probable ja existis dum la neolitika periodo (c. 6000 aK) e facesis ek cereali kom hordeo e frumento.
La ancienca civilizuri di Mezopotamia konocis la biro. En Sumer on ja maltizas, enfornigis e fermentis ula cerealo, probable hordeo. En l'Epikajo di Gilgamesh, skribita en la linguo dil Akkad, la sovaja viro Enkidu amansesis da prostituco, qua i.a. donis ad lu biro.
