Botulismo

De Wikipedio
Irez ad: pilotado, serchez
Adolecanto kun botulismo. Videz la flebleso en la palpebri.
La bakterio dil botulismo sub la mikroskopo.

Botulismo (de Latina vorto Botulus, "sociso"[1]) esas rara e potenciale mortala morbo produktata per toxino de la bakterio Clostridium botulinum. La morbo komencas kun febleso, trubli por vidar e por parolar, feblesi en la brakii, en la pektora muskuli ed en la gambi. Ta morbo ordinare nek afektas koncio, nek produktas febro.[2]

La bakterio Clostridium botulinum esas anaerobia, to esas, ol vivas sub poka oxo. Lua spori povas transvivar en kontaminita nutrivi e produktar la toxino. Kande on manjas ta nutrivi, la toxino absorbesas en l'intestino e produktas la morbo. Anke povas eventar kontamino per l'uzo di injektebla drogi kun aguli kontaminita. Pueri evante min kam 6 monati povas developar botulismo se li manjos la spori di C. botulinum, exemple tra kontaminita mielo.

La toxino dil Clostridium botulinum esas un ek la maxim potenta konocita. Morti povas eventar en 5% til 10% de la kazi. La toxino destruktesas per la varmigo di nutrivi e di objekti kontaminita dum plua kam 5 minuti sub temperaturo di 85 °C o pluse. Botulismo povas afektar mult altra animali. La bakterio ne transmisesas direte de un persono ad altra.

Referi[redaktar | redaktar fonto]

  1. A Latin Dictionary. URL vidita ye la 9ma di junio 2014.
  2. (agosto 2013) Botulism Fact sheet N°270. World Health Organization. URL vidita ye la 24ma di februaro 2014.