Boxe pieds-poings
La larja termino boxe pieds-poings ("boxo pedi-pugni"), signifikas en Franca, kombat-sportaro qua praktikesas kun boxala ganti en ringo (o sur matta). Li apartenas al kategorio di sporta boxo. La boxisti uzas, segun la reguli, la kombat-tekniki: la gamb-tekniki (ped-frapi e genu-frapi), la braki-tekniki (pugn-frapi e kudo-frapi) e la tekniki di jetar.
Inter la maxim notora kombat-sporti en la mencionata senco yen:
- la Usana diciplini (Usana boxo) sub tri precipua formi:
- full contact karate sen ped-frapi sub la tayo,
- kik-boxo kun ronda ped-frapi en la kruri o Usana kik-boxo,
- e mi-kontakto o kombati en la punti (point fighting), klaso di karate, en qua lukteri uzas ganti e pantofli ek spumo,
- Franca boxo (savate), anke apelata Savate-Boxe Française,
- Japoniana kik-boxo: kick-boxing kun direta genu-frapi, ronda ped-frapi en la kruri (low kick), e kun kelka kapto di lukto,
- du generi di boxo, ube preske omno permisesas, Burma-boxo (lethwei) e Tai-boxo (muay thai).