Buddho

De Wikipedio
(Ridirektita de Budo)
Sidarta Gautama, Buddho

Buddho[1] o Siddhartha Gautama (Sanskrita: सिद्धार्थ गौतम) (566 aK, Lumbini til 486 aK, Kushinagar esas la fondero di budismo (buddha-śāsana)).

Buddho esis filiulo di rejala familio qua edukesis talmaniere ke lu havis nula savo pri la realaji dil vivo e di mondo. Ulfoye, vizitante proxima urbo, lu vidis oldulo, mortanta malado e kadavro. Ilu tre impresesis pri ico e quik delore lu serchis solvo por eskapar l'oldeso, la maladeso e la morto. Pos vana e severa asketismo senrezulta, lu rezolvis abandonar ica tro severa vivo e meditar sub arboro (probable figiero) pri l'enigmato dil vivo e di mondo. Il trovis (od opinionis trovar) ica solvo per la nociono di Nirvana qua jacas exter la kustumala konceptaji dil homi. Lore il difuzis lua doktrino tra Nepal e nord-India. Lu mortis kande il evis plu kam okadek yari pos repasto kontenanta venenoza fungo. Lua doktrino ja grande difuzesis danke la monaki adepti di lua religio.

Noto:[redaktar | redaktar fonto]

  1. Pri la nomo Buddho, videz la texto, Buddho e Lua Doktrino - da C.T.Strauss

Extera ligilo[redaktar | redaktar fonto]

Commons
Commons
Commons havas kontenajo relatante a: