Campeche

Estado Libre y Soberano de Campeche Stato di Mexikia Piramido Maya en Edzná, Campeche. Chefurbo San Francisco de Campeche Maxim granda urbo San Francisco de Campeche Surfaco 57 484,9 km² Habitanti Denseso di habitantaro 928 363 (2020) 16.02 hab./km² Guvernisto Layda Sansores Fondita o kreita 29ma di aprilo 1863 Horala zono UTC-6 (UTC-5 dum somero) TNP (yaro) USD 77 880 milioni (2019) Reto https://www.campeche.gob.mx/

Campeche, oficale Libera e Suverena Stato Campeche (en Hispana: Estado Libre y Soberano de Campeche, en Yukatek-Maya U Péetluꞌumil Kaanpech esas un ek la 31 stati di Mexikia. Segun la demografiala kontado di 2020, ol havis 928 363 habitanti. Lua tota surfaco esas 57 484,9 km². Ol subdividesas en 13 municipi.

Historio

Mikra stati Maya che peninsulo Yukatan.

Quale altra loki che peninsulo Yukatan, Campeche esis loko ube civilizuro Maya developesis, posible dum plua kam 1 yarmilo. La propra peninsulo nomizesis Mayab da le Maya. Kolonieti de tale nomizita "preklasika epoko" (cirkume 2500 aK til yaro 250) posible kreesis da du diferanta grupi: la sud-westala porciono koloniigesis da grupi veninta de litorala zoni, kontre ke la nordo koloniigesis da grupi veninta de regioni marfora. Tale nomizita "klasika periodo" di Maya civilizuro duris cirkume til yaro 1000, e pose komencis dekado. Kande Hispani arivis a peninsulo Yukatan, existis 16 "mikra stati" ibe, kun diferanta formi di guverno.

L'unesma exploro Hispana di la regiono departis de Santiago de Cuba ye la 8ma di februaro 1517 kun 3 navi, ed arivis a Maya kolonieto Can Pech ye la 22ma di marto sam yaro.