Carnegie-halo

De Wikipedio
La halo ye nokto, en 2021

La Carnegie-halo esas edifico por koncerti en New York, Usa.

La konstrukto di la halo, qua ye la aperto havis la nomo Music Hall, esis pagata da Andrew Carnegie, la richega industriisto. La projeto por la halo komencis kande la muzikisto Walter Damrosch, qua divenabis amiko di Carnegie, parolis ad il pri sua ideo di nova koncerto-halo en New York. La arkitekto esis William Tuthill, qua esis talentoza amatora pleanto di la violoncelo e ja konocis Carnegie pro lia komuna intereso pri muziko.

La oficala aperto di la halo, ye la 5ma di mayo 1891, esis celebrata per orkestrala koncerto; Walter Damrosch direktis Leonora no. 3 da Beethoven e Te Deum da Hector Berlioz, e Pyotr Chaikovski direktis sua verko Marche Solennelle.