Cemento
Cemento esas polvoza mixuro de kalko ed argilo kalcinita e pose pistita, por interjuntar petrobloki o briki en masonuro. Ol havas kom proprajo hardigar pos enirar en kontakto kun aquo. Cementi rare uzesas nure, vice ol ordinare mixesas kun areno e stoni por produktar betono.
L'origino di la vorto cemento esas latina frazo "opus caementicium", qua deskriptis masonuro qua similesis betono e facesis kun triturita petri e brulita kalko por koherigar. Existas cimenti naturala ed artificala. Cimento naturala konocesas del Antiqueso, exemple en Antiqua Grekia ube uzesis tofo kun volkanal origino extraktita del insulo Santorini por injternuntar petri en konstrukturi. Dum l'1ma yarcento aK, Romani komencis uzar naturala cementi qui duris dum yarmili sub marala aquo. Kontraste, tale nomizita cemento Portland duras dum admaxime 60 yari en la sama stando.
